Mga Sikat Na Personalidad Sa Meycauayan

Joan Alarilla

MULA nang mahalal noong taong-2007, namalas ang walang-maliw na dedikasyon ni kagalang-galang Joan Velasco Alarilla bilang Punong-Lungsod ng Meycauayan at iyon ay nagpatuloy sa muli niyang pagkapanalo noong halalan 2010.

Sa ikaanim na taon ng kanyang panunungkulan, wala nang pag-aalinlangan sa layunin at programa ng pamahalaan ni Punung-Lungsod Alarilla.

Iyan ay ang maipag­patuloy ang adhikain ng kanyang namayapang ka­biyak na si dating-Punong Lungsod Eduardo A. Ala­rilla na nangarap at nagsi­kap para pagyabungin ang isang maayos, mapayapa at progresibong Meycauayan.

Sa pagsasakatuparan ng pangarap na iyun, ang mamamayan ay nagtata­masa ngayon ng mataas na kalidad ng pamumuhay dahil sa mga programa at proyekto na matutunghayan sa kasalukuyan.

MGA MATAGUMPAY NA PROYEKTO

Pagsasaayos ng Pamilihang Bayan—Sa ilalim ng Build Operate and Transfer Agreement, walang ginastos ang Pamahalaang Lungsod bagkus kikita pa sa pag-upa ng kompanyang gaga­wa nito. Pagkaraan ng 25 taon ay ililipat ang pagpa­patakbo at pangangasiwa ng pamilihan sa Pamaha­laang Lungsod.

Pagtatayo ng Mey­cauayan Common Trans­port Terminal—itinayo sa Bgy. Malhacan para sa kaligtasan at kaginha­waan ng mga pasahero at para na rin sa kapakanan ng mga transport group na bumibiyahe pa-Norte hanggang Malolos at pa-Maynila.

Dalaw-Ugnayan sa Barangay—ang progra­mang naglalapit at nagpa­paabot ng mga pampub­likong paglilingkod sa 26 barangays ng Lungsod. Dala-dala ng mga kawani ng Pamahalaang Lung­sod ang serbisyong medi­cal, dental at kasama na rin ang mobile laboratory exams.

Ipinaabot din pati ang pagbabakuna sa mga aso, pamimigay ng seed­lings o binhi, pagda­raos ng job fair at pag­bibi­gay ng impormasyon ukol sa mga programa, proyekto at serbisyo ng Pamahalaang Lungsod.

Pagdaraos ng sesyon ng Sanguniang Panglungsod at Sangguniang Pambarangay—upang matalakay ang kasalukuyang mga programa at ga­wain lalo na ang issues at concerns ng barangay na nangangailangan ng legis­lative action.

Pagkakaloob ng scholarships—pagtulong sa mga walang kakayahan ngunit karapat-dapat na patuloy makapag-aral sa pamamagitan ng Mariano Quinto Alarilla Scholar­ship Foundation. Pagtatayo at pag­sasaayos ng mga gusali ng paaralan at pagkakaloob ng mga gamit pang-esku­wela — bilang pagtupad sa pangakong bibigyan ng mataas na antas ng edu­kasyon ang kabataan. Sa taon ding ito, binuksan ang Meycauayan National High School Extension sa Bgy. Caingin kung kaya’t nadagdagan na ang mga kabataang Meycaueños na makikinabang dito.

H.E.A.L. (Healthy En­vironment Action for Life) Meycauayan River—patu­loy na pangangalaga sa kapaligiran sa pamamagi­tan ng pagpapatupad ng proyekto, kung saan tuloy-tuloy na inaalis ang mga water lily at mga basura sa ilog.

Bilang bahagi ng rehabilitasyon ng Meycauayan-Marilao-Obando River Sys­tem, ang Septage Treatment Plant ay sa lungsod mis­mo itinayo sa pakikipag-ugnayan sa DENR-EMB, Manila Bay Coordinating Office at Pamahalaang Panlalawigan.

Ukol naman sa isyu ng basura, ang Material Re­covery Facility na siyang pinakamalaki sa lalawigan ng Bulacan ay patuloy na pinapatakbo upang iproseso ang mga basurang na­hahakot sa Lungsod.

Pink Jeepneys—Sa pagpapaibayo pa ng mahusay na ser­bisyo publiko, ang isang bus at dalawang coast­ers na nailabas noong unang termino ng Punong-Lungsod ay nagdagdagan pa ng tatlong “pink jeepneys” upang magka­loob ng libreng transportasyon sa mga kawani ng Pamahalaang Lung­sod at sa mga mamama­yang patungo sa City Hall.

Ang na­turang mga sasakyang ito ay ipinahihiram ng private associations at NGOs bilang public ser­vice sa mga gawain at gampaning nagpapala­kas ng pagsasamahan ng pribadong sektor at ng pamahalaang panglungsod.

MGA KARANGALAN NATAMO

At bilang pag­kilala sa kagalingan ng kanyang pamamahala, ang Lungsod ng Meycauayan ay isa sa pamahalaang lokal na nagawaran ng “Seal of Good Housekeeping” ng Kagawaran ng Interyor at Pamahalaang Lokal noong Oktubre 4, 2011 at pinag­kalooban ng P20 milyon pondo mula sa Local Government Support Fund.

Ginagamit ang naturang pondo sa pag-aayos ng kalsada at drainage system sa tatlong barangay para masolusyonan ang su­liranin sa pagbabaha.

Sinundan pa ito ng pagkakaloob ng pondo sa halagang P3 milyon mula sa Performance Challenge Fund, isang insentibo para sa mga lokal na pama­halaan dahil sa mahusay na pagganap ng kanilang tungkuling mapagserbisyuhan ang mamamayan at mapaunlad ang kanilang pamayanan bukod pa sa pagpapatu­pad ng mga pro­grama at proyektong tu­mutugma sa adhikain ng pamahalaang pambansa.

Ang P3 milyon ay tatapatan ng Pamaha­laang Lungsod ng P3 milyon din at iuukol sa pagpapatayo ng Action Center/Drop-In para sa Children in Conflict with the Law at mga bik­tima ng Violence Against Women and Children sa compound ng City Hall.

INA, ILAW AT PINUNO

Ilan lamang ang mga tinuran sa matagumpay na programa at proyekto na lalong nagpahusay serbisyo-publiko at walang-bahid at buong-pusong paglilingkod ng kagalang-galang Pu­nong-Lungsod Joan Ve­lasco Alarilla.

Lydia De Vega-Mercado
Si Lydia De Vega ay isang kilalang atleta. Siya'y tinaguriang pinakamabilis sa larangan ng pagtakbo sa Asya noong 1980's. Noong taong 1987, 1991 at 1993, siya ay naguwi ng gintong medalya sa 100 meter dash sa Southeast Asian Game.



Rey Valera
Reynaldo Valera-Guardiano o mas kilalang Rey Valera ay tinaguraiang Mr. Hitmaker noong dekada 80. Isa siyang mahusay na mang-aawit at madami na din siyang nasulat na awitin na sumikat sa iba't-ibang parte ng Pilipinas, nang dahil doon ay sumikat pa siya ng husto.

Proyekto sa Filipino:

Abigail Landicho
Alec Nicole Anne Centro
Raven de Guzman
Louisse Philline Almero
Sharyn Corpuz

Guro:

Mr. Marvin Dawisan